Customs and traditions of Lebanese people

هاي للجميع ، انا ريان التنير

‍

و اليوم رح نحكي عن ثقافة و تفكير الشعب اللبناني.

‍

بيُعدّ لبنان بلد فيه تنوّع ثقافي كبير، بس كل اللبنانيين <p-color-red>تقريباً بيفرجو<p-color-red> احترام كبير لعاداتهن و تقاليدهن الخاصة فيهن.

‍

و من أهم العادات والآداب الاجتماعية يلي بيمتاز فيها الشعب اللبناني هي حسن الضيافة و مساعدة الناس حتى لو كانو ما بيعرفوهن. فهالشعب معروف انو <p-color-red>مضياف<p-color-red>.

‍

بيتميز الشعب اللبناني بتعدد الطوايف، فالدولة معترفة رسمياً ب ١٨ طايفة. و بتعتبر اللغة العربية هي اللغة الرسمية المعتمدة بالبلد، بس منلاقي معظم اللبنانيين بيحكو اللغة الفرنسية و الانجليزية بطلاقة. و في جزء منهم بيحكي اللغة الارمنية كمان <p-color-red>لاعتبارهن من أصول<p-color-red> أرمنية.

‍

اللبناني <p-color-red>ببلش نهاروا<p-color-red> ع صوت فيروز. فالإستماع لأغاني فيروز عادة صباحية ومش مقبول الاستماع لأي مطرب تاني. و حتلاحظو إذا زرتو لبنان و تحديداً الصبح انو صوت فيروز مسيطر بكل المطارح و خاصة بالمواصلات و المطاعم.

‍

و بيشتهر هالشعب كمان بالتقدير وإظهار الحب والاحترام للناس حواليه. بطبيعتو بحب <p-color-red>يخلق الفرحة<p-color-red>، فبيعمل مضاعفات للتحية، مثلاً بس تقولو لأي شخص بلبنان مرحبا برد عليكن مرحبتين وبدل الهاي هايين؛ و السبب انو التحية بتعني الحب فبيتوجب مضاعفتها.

‍

و من المعروف كمان قديش بيفتخروا اللبنانيين بتقاليدهم بالضيافة.  عشان هيك ما لازم تستغربوا اذا <p-color-red>عزمكن<p-color-red> شي لبناني بسرعة ع بيتو. و بيتقدم الشاي أو القهوة للضيوف دغري <p-color-red>عالوصلة<p-color-red>.

‍

و بس تفوتوا، سلموا على الناس بترتيب اعمارهن من الاكبر للاصغر، و بس يضيفوكن المشروبات أو المأكولات من المفضّل <p-color-red>انو تقبلوهن<p-color-red> كتقدير لكرم ضيافتهن.

‍

و بالمقابل لازم <p-color-red>تجيبوا معكن شي رمزي<p-color-red> متل معجنات، حلو، غرض للبيت أو حتى ورد. فالهدية بتتقدّم بلبنان بأية وقت و مش ضروري يكون في مناسبة معينة. ممكن تتقدم لشخص راجع من السفر، لشخص قدّملكن خدمة، أو عزمكن عبيتو. و مش مهم تكلفة الهدية المادية، لانو اهميتها اكتر بقيمتها المعنوية.

‍

صحيح انو اللبنانيين بعدهن محافظين على هيدي العادات و التقاليد، بس طبعاً كتير بتختلف بين منطقة و التانية و خاصة بين القرى و المدن.

‍

اولاً بخصوص اللبس:

‍

اذا بتزوروا المدن متل بيروت و جبيل و صور بتلاقوا اللبس ان كان عند الصبايا أو الشباب قريب كتير للباس الاوروبي الغربي. اكترية اللبس بكون <p-color-red>عالموضة<p-color-red> و ما في بيت ما بتلاقوا فيه جينز و كونفرس ابيض.

‍

بينما <p-color-red>اذا بتكملوا طريقكن<p-color-red> على الجبل متل الشوف و البقاع و الجنوب، ممكن يلفتكن تغيّر اللبس و تمسّك الناس هونيك بتيابهن التقليدية متل السروال الاسود و العباية الفضفاضة. و كمان ممكن تشوفو الكوفية  يلي بعدها الناس بتحطها لليوم بلبنان.

‍

ثانياً بخصوص التحية:

‍

كتير بتختلف التحية بين المناطق الموجودة بالمدينة و مناطق الضيع.

‍

مثلاً اذا كنت من سكان القرى، من المعيب انك تمرق من حد اشخاص بتعرفهن أو ما بتعرفهن و ما <p-color-red>تلقي السلام<p-color-red>.

‍

الابتسامة البسيطة مع الترحيب والمصافحة بالايد أساسيين لاظهار الحب والاحترام. و ممكن التحية تتحوّل <p-color-red>لبوسات<p-color-red> اذا كانت تحية للقرايب و العيلة والرفقات وغالبًا بتكون تلات بوسات على الخد.

‍

بينما لحظة انتقالكن للمدن، اسلوب التحية بيتغير تماماً مع تغيّر اسلوب الحياة. العلاقات الاجتماعية بتصير <p-color-red>أكتر تفكك و محصورة<p-color-red> بس عالعيلة و الرفقات المقربين.

‍

ف كتير طبيعي بالمدن انكن تفتحو الباب و تلتقو بجيرانكن و ما تتبادلو السلام أو الحديث.

‍

كرمال هيك اذا شخص غريب بحاجة لمساعدة او <p-color-red>مضيّع الطريق<p-color-red> مثلاً، ممكن تتفاوت طبيعة المساعدة من <p-color-red>انجأ نصيحة<p-color-red> لعزيمة عندهن عالبيت.

‍

ثالثاً بخصوص عادات الأكل:

‍

<p-color-red>من المتعارف عليه<p-color-red> بلبنان انك تشوف افراد العيلة كلها <p-color-red>مجتمعة عالسفرة وقت الاكل<p-color-red>. و متل ما ذكرنا قبل هالعادة بتتفاوت تطبيقها ع حسب انتو عايشين بأي منطقة.

‍

فاذا كنتو من سكان الضيع، مستحيل تلاقوا أي فرد من افراد العيلة عم ياكل قبل وصول رب العيلة عالبيت. فجمعة العيلة كلها <p-color-red>عطاولة الاكل<p-color-red> تعتبر عادة مهمة كتير و من قلة الاحترام عدم الالتزام فيها.

‍

بينما بيختلف هالشي بأغلب مناطق المدينة. ما فينا ننكر انو ممكن تلاقوا عيل ساكنة بيروت بعدها بتجتمع عسفرة الاكل كل يوم و بتتبادل الاحاديث و السِير، بس بالمقابل كمان بتلاقوا عيل كتير <p-color-red>ما بيعنيلهن الموضوع<p-color-red> و كل فرد بيقوم <p-color-red>بيسكب و بياكل<p-color-red> بس يجوع او بس يرجع من شغلو.

‍

امّا اذا كنت ضيف و معزوم عالغدا، فهون <p-color-red>شي بحيّر<p-color-red> لانو بعض الاشخاص بيعتبروا من التهذيب انك تترك شوية اكل بالصحن و البعض الاخر بيعتبروا اهانة لسكان البيت.

‍

و متل ما في عادات بتختلف بين مناطق لبنان، كمان في عادات مشتركة متل مظاهر الاحتفالات و الاعراس.

‍

بس تطلع العروس من بيت اهلها لبيت زوجها <p-color-red>بتنرش<p-color-red> بحبات الرز و الورد، و بتعلا اصوات <p-color-red>الزغاريد<p-color-red> و الاقاويل الشعبية متل ال اويها و غيرهن. و طبعاً ما في عرس لبناني بيكمل بلا الدبكة اللبنانية الاصيلة يلي بتعتبر من اشهر العادات بلبنان و اهمها.

‍

و هيك بكون خلص موضوعنا اليوم عن عادات و تقاليد الشعب اللبناني، و بكون خبرتكن عن هالفروقات البسيطة بالنسبة لشعب مألف من هالتعدد الثقافي الكبير.

‍

انشاءالله تكونوا حبيتو

‍

بشوفكن قريباً بموضوع جديد

‍

يلا باي

‍