Education in Lebanon

مرحبا

‍

انا ريان التنير و اليوم رح خبركن كل شي لازم تعرفوه عن التعليم بلبنان.

‍

<p-color-red>رح قدملكن<p-color-red> أدق المعلومات المفصلة عن التعليم هون، من الطفولة للشباب، و يلي بتتضمن الروضة، المدرسة والجامعة.

‍

أول معلومة لازم تعرفوها انو الطفل من <p-color-red>اول ما يخلق<p-color-red> لعمر ٣ سنين، الاهل بيختاروا ما بين يبقى معهن بالبيت و يهتمو فيه

‍

او انو يسجلو ب حضانة <p-color-red>بركي<p-color-red> لانن بيشتغلو، <p-color-red>حابينو<p-color-red> يختلط مع غير ولاد و يكون متواجد مع ناس خبرة و مسؤولين

‍

بعد عمر ٣ سنين بصير الولد مؤهل انو يفوت على المدرسة <p-color-red>و يبلّش بمرحلة<p-color-red> الروضة يلي بتنقسم ل ٣ مراحل على ٣ سنين

‍

Kg1, kg2,kg3

‍

اول سنة بتكون اكتر <p-color-red>ليتعود على جو<p-color-red> المدرسة و المعلمات و رفقاتو بالصف بينما تاني و تالت سنة بتكون اكتر فترة لعب وتعليم للأولاد

‍

روضة الأطفال عنا بلبنان، بتهتم بتوفير بيئة تعليمية مناسبة وبتعمل على تنمية مهاراتن الحركية والاجتماعية واللغوية.

‍

بعد مرحلة الروضة، الطلاب بينتقلو للمرحلة الابتدائية من التعليم الأساسي على عمر ٦ سنين تقريباً.

‍

المرحلة الابتدائية بتكون لست سنين، وبتتضمن الصفوف من الأول للسادس مع دوام كامل <p-color-red>من تمانة ل تنتين<p-color-red>.

‍

الطلاب بيدرسوا فيها مواد مختلفة متل العربي، الفرنسي الانكليزي الرياضيات، العلوم، والتربية المدنية.

‍

بعد اتمام المرحلة الابتدائية بنجاح، بينتقلو الطلاب للمرحلة المتوسطة مدتها ٣ سنين من الصف السابع للصف التاسع المعروف بال <p-color-red>brevet<p-color-red>

‍

و ما بيعملو فيه الطلاب بس امتحان نهائي بمدرستهن بل كمان امتحان دولة بينعمل اخر السنة وبكون موحد لجميع طلاب لبنان.

‍

بعدها، بيكمل الطالب لمرحلة الثانوية يلي بتنقسم كمان ل ٣ صفوف

‍

second, bac 1, bac 2

‍

مرحلة الثانوية هي اخر مرحلة من المدرسة وبتتقسم ل شعب، فكل شعبة بتركز على مجال معيّن.

‍

الطالب عندو خيارات ما بين شعبة أدبية LH او شعبة علمية يلي بتنقسم بدورها كمان ل ٣ sections

‍

Sg علوم عامة ليلي بحب رياضيات و فيزيك

‍

Sv علوم الحياة ليلي بحب البيولوجي

‍

Se علوم اقتصادية ليلي بحب الاقتصاد و الاجتماع

‍

الطلاب بيختاروا الشعبة اللي بتناسب اهتماماتهن، قدراتهن العلمية ومستقبلهن المهني.

‍

بيدرسوا مواد متنوعة وصعبة وبيتحضروا لامتحان الثانوية العامة او <p-color-red>ما يعرف بالباكالوريا<p-color-red>

‍

يلي هو امتحان دولة كمان و بحدد نوعاً ما مستقبلهن الأكاديمي و الاختصاص <p-color-red>فيهن ينقو<p-color-red> بالجامعة.

‍

و <p-color-red>بحب ضيف كمان<p-color-red> انو فيه مدارس حكومية ومدارس خاصة.

‍

المدارس الحكومية هي المدارس التابعة للدولة و لوزارة التربية اللبنانية،

‍

بينما المدارس الخاصة هي private ما الها علاقة بالدولة بس اكيد ملتزمة بنفس المنهج التعليمي و بكون قسوطاتها السنوية اغلى.

‍

بعد الباكالوريا، الطلاب الناجحين <p-color-red>و يلي جابو فوق<p-color-red> ١٠ على ٢٠ بمجموعهن بالامتحانات الرسمية بيقدرو يكملو بالجامعة.

‍

ب لبنان، فيه جامعات حكومية يلي هي الجامعة اللبنانية بفروعها المتعددة و المتواجدة بمختلف المناطق اللبنانية و يلي قسطها بعدو بيعتبر رمزي مقارنةً

‍

بالجامعات الخاصة المهمة متل

‍

aub - lau- usj العربية - balamand- Antoniye و غيرهن

‍

الطلاب بيختاروا التخصص يلي بيحبوه

‍

وبيدرسوا من ٣ ل ٧ سنين حسب نوع الاختصاص اذا كان Business- هندسة او طب

‍

اكيد بتختلف برامج الدراسة من جامعة لجامعة وبين التخصصات.

‍

حتى القسوطات بتكون مختلفة حسب الاختصاص كمان.

‍

بالجامعة <p-color-red>شوي مختلف السيستمعن<p-color-red> المدرسة،

‍

<p-color-red>منو<p-color-red> دوام كامل لازم تروح عليه كل يوم، لانو بحق للطالب <p-color-red>ينقي<p-color-red> المواد بدو ياها مع الدكتور و الوقت و اليوم بناسبو كمان.

‍

الطلاب بيتابعوا المحاضرات وبيعملوا امتحانات وأعمال عملية ومشاريع تخرج.

‍

نتايج هالامتحانات هي بتحدد معدلاتهم الدراسية و بتحدد اذا رح يتخرجوا، ياخدو الشهادة او لا.

‍

بالإضافة للجامعات، فيه معاهد مهنية وتقنية كمان بتقدم تدريب مهني ب مجالات مختلفة.

‍

الطلاب بيقدروا يسجلوا بالمعهد بعد الباكالوريا و شهادتها بتعادل شهادة الجامعة نوعاً ما

‍

فيه معاهد بتعطي تخصصات تجارية وفنية وتقنية والطلاب يلي بيتخرجوا من المعاهد بشهادات بصيرو مؤهلين لممارسة المهن المعيّنة يلي درسوها متل

‍

هندسة كهربا، محاسبة او كوافو.

‍

هيدول كانوا أهم المعلومات لازم تعرفوها عن التعليم ب لبنان،

‍

بس طبعاً <p-color-red>بعد فيه<p-color-red> تفاصيل أكتررح يتعرف عليها الطالب لما يقرر يدرس هون بالبلد.

‍

التعليم ب لبنان بيعتبر تحدي كبير و خاصةً بعد الازمة الاقتصادية و دولرت القسوطات على الطلاب و الاهالي.

‍

بس الشباب اللبناني دايمًا عنده إرادة قوية للتعلم والتقدم، وبيعملوا كل جهدهم ليحققوا وليطوروا من حالهن.

‍

و هيدا كان كل شي لليوم انشاءالله تكونو حبيتوا

‍

بطلّ عليكن قريباً بموضوع جديد باي

‍

‍

‍

‍