HCS In Lebanon

مرحبا

‍

انا ريان التنير و اليوم رح خبركن عن كل شي بيتعلق بنظام الرعاية الصحية بلبنان، خليكن عالسمع.

‍

طبعاً، لبنان عنده نظام رعاية صحية متعدد الأطراف و بيعتبر نوعاً ما معقّد.

‍

اولاً بالمستشفيات العامة، المعروفة بالمستشفيات الحكومية، بتم تقديم الخدمات الطبية للمواطنين بأسعار معقولة. الفكرة إنه كل مواطن لبناني <p-color-red>بيقدر<p-color-red>  يستفيد من الخدمات الصحية بهل المستشفيات بتكلفة معقولة ومناسبة لظروفو المادية.

‍

بس الواقع اللي عم نشهده بلبنان اليوم مش مثالي.

‍

بعد الأزمة الاقتصادية الكبيرة، المستشفيات العامة واجهت صعوبات كبيرة بتوفير الخدمات الصحية للكل بشكل كافي. بعض المستشفيات عم تواجه نقص بالمعدات الطبية والأدوية، <p-color-red> وهيدا الشي بيأثر<p-color-red>  على جودة الخدمة و العلاج الطبي أكيد.

‍

هالمستشفيات العامة بيديرها وزارة الصحة و هيي ممولة من الحكومة يعني <p-color-red> "فهمكن كفاية"<p-color-red> ، معظمها بتكون موجودة بالمدن الرئيسية الكبيرة و <p-color-red>قليل  تتلاقوهن<p-color-red> بالضيع.

‍

أما بالنسبة للمستشفيات الخاصة، فهي عبارة عن مؤسسات طبية بتملكها شركات أو أفراد و <p-color-red> عندها سمعة احسن<p-color-red>  بتقديم الخدمات الصحية من المستشفيات العامة وفيها طاقم طبي و معدات افضل.

‍

بس السعر عالي كمان و بالتالي مش متاح للجميع.

‍

<p-color-red> فيه ناس بتكون عاملة<p-color-red>  تأمين صحي على حياتها و صحتها من خلال شركات التأمين الخاصة، بس مش كل الناس عندها هالرفاهية و لا بتتمتع بهيك فرصة لانو التأمين <p-color-red> كتير غالي<p-color-red>  بلبنان .

‍

بس اخر كم سنة، صار في تحديات كبيرة على النظام الصحي وبعض شركات التأمين وقفت تغطي بعض الخدمات أو زادت الرسوم بشكل كبير و طبعاً صارت رسوم الاشترك بالدولار.

‍

لما بكون عندكن تأمين صحي، بتقدروا تستفيدوا من خدمات المستشفيات الخاصة و هني يتحملو تكاليف العلاج.  بس اليوم بطّلت الشركات بتغطي كل تكاليف العلاج متل قبل او صارت بتدفع على رايت أوطى.

‍

بعد في خدمات الطوارئ الطبية ما خبرتكن عنها

‍

لبنان عنده شبكة من المستشفيات والمراكز الطبية <p-color-red> اللي مهمتها<p-color-red>  تقدم خدمات الطوارئ.

‍

هالمراكز بتكون متاحة على مدار الساعة وبتقدم الرعاية الطبية اللازمة بحالات الطوارئ والحوادث

‍

عادةً بيتم نقل المرضى من خلال فرق الاسعاف للصليب الاحمر اللبناني لأقرب مستشفى قادر على تقديم الرعاية المناسبة بحالات الطوارئ الحادة

‍

بس للاسف، نقص المعدات المطلوبة و الضغط الكبير على مراكز الطوارئ <p-color-red>ممكن بكتير اوقات<p-color-red> يشكّل عائق لانقاذ حياة مريض بحالة حرجة.

‍

أهم شي بخصوص النظام الصحي بلبنان، إنو في ناس كتير بتعاني من صعوبة الوصول للخدمات الصحية بشكل مناسب.

‍

في ناس كتير ما بتقدر تدفع التأمين الصحي ولا تدفع تكاليف المستشفيات الخاصة. و <p-color-red>هالشي بيخلّي<p-color-red> الناس تعتمد على المستشفيات العامة بشكل أكبر، وبالتالي المستشفيات ما حتكون قادرة تواجه هالإقبال الكبير عليها.

‍

باختصار، النظام الصحي بلبنان بحاجة لتحسين وتطوير و خاصةً هلق بعد هجرة نخبة الاطباء و تعرض لبنان "<p-color-red>لهالوعكة الاقتصادية الحادة<p-color-red>".

‍

لازم الناس تقدر تحصل على افضل الخدمات الصحية عند الحاجة، ان كان بالمستشفيات العامة أو الخاصة.

‍

وكمان لازم يتسلط الضوء على ضرورة توفير خيارات تأمين صحي ميسورة التكلفة لتسهيل الوصول للرعاية الصحية الجيدة لكل الناس من دون استثناء.

‍

فالطبابة هي حق للجميع و كل الأرواح لازم تكون غالية <p-color-red> بغض النظر<p-color-red>  عن الوضع المادي،الوضع الاجتماعي, أوحتى شو الجنسية.

‍

خلص موضوعنا لليوم، شكراً لاستماعكن

‍

انشاءالله تكونو استفتدو من هالمعلومات

‍

انشاءالله تكونو استفتدو من هالمعلومات

‍

يلا باي

‍

‍