Leb Political Life
مرحبا
انا ريان التنير واليوم رح نتناول بهالبودكاست عالم السياسة بلبنان
حنغوص بتفاصيل الأحزاب السياسية، وحنسلط الضوء على رؤسائهن.
وكمان رح نلقي نظرة على أهم رؤسا الجمهورية يلي شكلوا مسار هالبلد <p-color-red>عبر السنين<p-color-red>.
و طبعاً، رح نستكشف <p-color-red>سوا<p-color-red> كيف بينعكس الوضع السياسي على الحياة اليومية للشعب اللبناني.
لبنان، هالبلد الحلو والمعقد، بيتمتع بتنوع ديني وثقافي فريد من نوعه.
ف على الساحة اللبنانية، <p-color-red>بيلتقى<p-color-red> عدد كبير من الأحزاب يلي بتمثل مختلف الفئات والطوايف.
أحد أبرز وأقوى هالأحزاب مؤخراً هو حزب الله. فهو الحزب الاكثر سيطرة و شعبية حالياً و بيشكل القوة السياسية والعسكرية لشيعة لبنان، و امين عام هالحزب هو السيد حسن نصرالله.
في بعض الشيعة <p-color-red>بينتموا<p-color-red> لحركة امل يلي زعيمها هو رئيس مجلس النيابي نبيه بري.
ومن جهة تانية، في تيار المستقبل، يلي بيمثل اغلب الطايفة السنية برئاسة الشيخ سعد الحريري.
هيدا فيما يخص الطايفة الاسلامية
<p-color-red>منلاقي<p-color-red> بينما عند المسيحيين
تيار الوطني الحر، وهو بيجمع المسيحيين الموارنة يلي بيتبعوا التيار العوني و رئيسه الحالي هو جبران باسيل <p-color-red>صهر<p-color-red> رئيس الجمهورية وقائد الجيش السابق ميشال عون.
وطبعاً في عدد كبير كمان من المسيحيين بيتبعوا القوات اللبنانية بقيادة الدكتور سمير جعجع أو الكتائب اللبنانية بقيادة <p-color-red>النايب<p-color-red> سامي الجميل.
و الاقلية بيتبعوا سليمان فرنجية رئيس حزب تيار المردة.
وما بدنا ننسى طبعاً الطايفة الدرزية بلبنان حتى لو بيعتبروا من الاقليات هون بس الهن رأي سياسي وبينقسمو لحزبين:
الاكترية بيأيدوا حزب التقدمي الاشتراكي برئاسة وليد جنبلاط.
و بعض الدروز بعدهن موالين للحزب الديموقراطي اللبناني برئاسة الامير طلال ارسلان.
اما بالنسبة للارمن فهني اقلية كمان بلبنان بس الحزب المسيطر عندهن هو الطاشناق برئاسة هاغوب بقرادونيان.
ممكن يلتقى عدد قليل من المؤيدين العلمانيين لحزب القومي السوري و الحزب الشيوعي
مع ظهور بارز لحزب ثوري تأسس سنة ٢٠١٦ و هدفو يغير هالمنظومة الفاسدة الحاكمة.
بيمثل الدولة المدنية على رأسها شربل نحاس و بـ اسم مواطنون و مواطنات في دولة.
وهلق رح ننتقل لاهم رؤسا الجمهورية يلي مرقوا عالبلد وتركوا بصمة بمسيرة و تاريخ لبنان و منهن:
الرئيس بشير الجميل يلي قاد البلد بفترة حرجة كتير خلال الحرب الاهلية وسعى ليحقق الاستقلال والوحدة الوطنية.
وما فينا ننسى الرئيس رفيق الحريري، يلي عمّر وعلّم وترك بصمة كبيرة بمسيرة لبنان، خاصة انو استشهد بسبيل بلده.
و اخرهن كان الرئيس ميشال عون يلي تولى المنصب بفترة صعبة كتير من تاريخ لبنان مع التحديات السياسية والاقتصادية و جائحة كورونا.،
بشكل عام، بتأثر السياسة بطريقة مباشرة وغير مباشرة على حياة الناس اليومية.
فالاضطرابات السياسية ممكن تؤدي لتدهور اقتصاد البلد وزيادة معدلات البطالة و هالشي ممكن يأثر على الخدمات العامة اهمهن التعليم والطبابة.
والنقمات السياسية ممكن تأثر على شعور الناس بالاستقرار والامان و بالتالي بتنخفض الاستثمارات بالبلد واكيد بيتأثر على المجال السياحي و على تدفق الاموال داخل لبنان.
اكبر مثال على هالشي هو الحرب ل عم تصير بجنوب لبنان بقيادة احد الاحزاب السياسية اللبنانية وكيف هجرت المدنيين واثرت بالتأكيد على اجواء العيد بباقي المناطق اللبنانية.
بالختام، لنفتح النقاش حول مستقبل لبنان وكيف ممكن للسياسة أن ترسم طريقه.
رح اترككم تستمتعوا بحلقة اليوم، ومتل ما عودناكن دايماً الى لقاء ببودكاست جديد و موضوع جديد.
باي
