Lebanese Mouneh

هاي
<p-color-red>نهاركن سعيد<p-color-red>
اليوم رح خبركن عن <p-color-red>المونة اللبنانية<p-color-red>

‍

لبنان هو البلد يلي فيه اكتر من ١٠٠ نوع مونة.
صح ! بالرغم من انو <p-color-red>فيكن تلاقو<p-color-red> هالمواد الغذائية بالمحلات التجارية و السوبرماركيت،
بس بتضل المونة المعمولة يدويا بالبيوت و من دون مواد حافظة <p-color-red>الها طعم مميز  و فارق<p-color-red> عن السوق

‍

متل التين ودبس الرمان والعنب
والبندورة والقمح والكشك و القاورما و الزيتون و المكدوس و اللبنة البلدية و العسل.
ويمكن هيدا بيفسر قوّة ومناعة أجسام القروّيين عن المدينة.

‍

عادة بتتحضر المونة <p-color-red>قبل بوقت<p-color-red> كرمال تكون جاهزة بموسمها.
فهي صارت تعتبر <p-color-red>من التراث اللبناني الفلكلوري<p-color-red> اليوم، و بعدها موجودة عند معظم اللبنانيين.
و طبعاً كل ضيعة مشهورة بمونتها الخاصة فيها!

‍

مثلاً بعض أنواع المونة اللبنانية متل الكشك و والمكدوس تعتبر من الوجبات الغذائية المشهورة بالبقاع بينما زيت الزيتون و الالبان الحرة <p-color-red>فهي محسوبة اكتر<p-color-red> على اهل الجنوب.  و مش من الغريب تلاقوها منتشرة برات لبنان كمان.

‍

فكل مين هاجر حمل معه ل بلاد الغربة من هيدي المأكولات <p-color-red>بلي ربي و ترعرع عليها<p-color-red>، فصارت معروفة عالمياً.

‍

اذا بتسألو <p-color-red>ستات الضيع<p-color-red> بخبروكن انو البيت <p-color-red>بلا مونة ما بيسوى<p-color-red>، وبحسب خبرتهن بهيدا المجال على مدى سنوات طويلة بيعرفوا صاروا انو لكل موسم مونته الخاصة.

‍

فالكشك طعام شتوي بامتياز،  ويعتبر من أساسيات المونة، على الرغم من أن تحضيره بيحتاج  لكتير من الجهد والوقت.

‍

أما المكدوس فموسمه هلق بشهر ٩-١٠ لانو بيستوي الباتنجان بهالوقت من السنة، و <p-color-red>بينحشى بالجوز<p-color-red> البلدي.

‍

و الاكيد انو للفاكهة اهتمام خاص كمان، فهي بيتم طبخها وتحويلها لمربى، ومنها مربى المشمش والتين والدراق والكرز والتفاح والفريز والسفرجل والنجاص واليقطين وغيرها، وهي مش بحاجة لموسم محدد لتحضيرها متل باقي المونة، ف امتين ما بكون متوفرة الفاكهة منقدر نحولها لمربى بسهولة.

‍

بغض النظر عن انو المونة اللبنانية طعمها مميز و طيب,
فهي كمان <p-color-red>بتعتبر مصدر رزق<p-color-red> لهالستات الضيعوية و عامل مساعد كمدخل مادي لكتير بيوت.
بيتم تصريف هالانتاج عن طريق العلاقات الاجتماعية و التواصل مع الجيران و اوقات السوشيل ميديا عن طريق <p-color-red>المعارف و الرفقات<p-color-red>.
فهو بيعتبر عمل بيتي مربح ومفيد، بالاضافة انو مرغوب كتير من قبل المغتربين يلي بيشتروا من هالمونة و بيحطوها من ضمن قائمة الاشيا يلي اخدينها معهن.

‍

كل فترة بتنظم جمعيات
events بمناطق مختلفة بلبنان تحت عنوان "يوم المونة اللبنانية الأصيلة" بالتنسيق مع وزارة الزراعة
لتأكد و تذكر بضرورة احترام المرأة الريفية، و تشجع على الزراعة والإنتاج الغذائي، كرمال تحقق الأمن و الاكتفاء الذاتي و خاصة بهالوضع الاقتصادي <p-color-red>الصعب ل قاطع فيه<p-color-red> لبنان مؤخراً.
فالمونة يلي توارثناها من اجدادنا  ما بتخلي الاكل طعمتو طيبة و تحضيرو ممتع بس، بل كمان عم تكون حافز لتقوية الروابط العائلية.

‍

و هيك بكون عرفتكن اليوم عن المونة اللبنانية، هالفلكلور العابر للفصول والأجيال،
انشاءالله تكونو حبيتو ،استفتدو و <p-color-red>استمتعتو معي<p-color-red>
كان معكن ريان التنير
بشوفكن قريبا
يلا باي!

‍