بتختلف أوجه الاحتفال بهالليلة، خاصةً بعد تعرض لبنان لانهيار اقتصادي ضخم.
بين أعراس بالدولار و أعراس بالليرة، ضلّت الافراح <p-color-red>بديار لبنان عامرة<p-color-red>.
مع بداية الأزمة الاقتصادية سنة 2019، ضُرب قطاع تنظيم الأعراس بالصميم، و خاصة انو الازمة تزامنت مع انتشار جائحة كورونا.
لكن على ما يبدو أنّو هالسنة، ومن بعد ما تدولرت جميع السلع وترغلجت بعض المداخيل بالدولار، إلى جانب تحويلات المغتربين طبعاً، حيكون موسم الأعراس هيدا الصيف حافل.
<p-color-red>بلّشت الحجوزات<p-color-red> من شهر تشرين الأول ٢٠٢٢. و طبعاً معروف انها بتكون مفولة بشهر حزيران وآب.
فقبل هالشهرين بكون <p-color-red>موسم ميت<p-color-red>، وخاصة مع حلول اشهر الاعياد يلي ما بكون فيها إقبال كبير على الأعراس، وما ننسى انو شهر تموز حيكون كمان من ضمن الموسم الميت بسبب مناسبة عاشوراء.
شي مرة انعزمتو على عرس لبناني ضخم؟
ما تعتلو هم، انا رح خبركن أصغر التفاصيل، ركزو معي
1-اول شي لازم ينعرف هو <p-color-red>مطرح<p-color-red> الصالة او الاوتيل، و هالشي بكون بالعادة بمناطق غالية متل بيال، زيتونة باي، روشة و غيرهن.
2-اول ما تفوتو بيكون في فاليه باركنغ مخصص للعرس بيتولّى أمر صفة السيارة
طبعاً ما في عرس لبناني بلا زفة و دبكة لبنانية 7- خلال الحفل،
الزفة <p-color-red>بتفوت قبل<p-color-red> العرسان <p-color-red>تيولعو اجواء<p-color-red> السهرة و بكون في كتير shows
متل باليه dancers
Hip hop show
Fire show
و غيرهن
8- بعض العرسان بيجيبو فنانين يغنو بعرسهن ما بيكتفو بس بال دج هيدا اذا ما <p-color-red>جابو فرقاع<p-color-red> و قوصو كمان
LPiste بتكون مليانة معازيم عم يرقصو مع العرسان و يحتفلو فيهن بهالنهار المميز. فعرس ضخم بهالحجم اكيد بضم فوق ٥٠٠ شخص.
بالعادة بتفوت العروس مع بيها و طبعا العرس ما بيكمل بلا رقصة الاولى للعرسان.
طبعاً بس نحكي عرس بهالضخامة يعني open buffet 9-
و كل شي في اكل بيخطر عبالكن من سالمون و قريدس و لحومات و اكيد حلو و كنافة و مشروبات و ممكن الكول ببعض الاعراس.
10-و اكيد بيكون في مصورين فيديو و فوتوغرافرز عم يوثقو لحظات العرس كلها و اطلالات المعزومين و اولهن العروس بفستانها المميز و المصمم من قبل اشهر ديزاينرز بالعالم.
من الطبيعي تختلف كلفة الاعراس على حسب اختلاف ذوق العرسان، بس الاكيد انو بعدها الكلفة ذاتها يلي كانت قبل الازمة، فمثلاً مورّدين الاكل يل كانوا ياخدو 100 دولار عالشخص قبل الأزمة، بعدهن بياخدو نفس المبلغ اليوم.
بطبيعة الحال، كانت الاعراس بلبنان تنقسم بين كبير متوسط و صغير حسب الطبقة الاجتماعية لكل فرد.
أما اليوم بعد الازمة و بعد تراجع مداخيل معظم اللبنانية، صارت اغلب الاعراس بين الصغير و المتوسط و اذا ما صار عرس كبير بكون من قبل المغتربين يلي بيجو على لبنان <p-color-red>تيفتو مصاري<p-color-red> ""لا اكيد <p-color-red>عم بمزح<p-color-red>! كرمال يعملو عرسهن بين اهلهن و ناسهن.
اما المقيمين بلبنان فبيتوجهو على الاغلب للحفلات الصغيرة يلي بتضمّ حوالي 70 ل 100 شخص ماكسيموم.
رغم الازمات الكثيرة والخانقة على أهل لبنان، <p-color-red>بضل في شعلة امل عم تُضْوي<p-color-red>.
