Local Tourism In Lebanon
.jpg)
مرحبا
لبنان بلد صغير <p-color-red>بس مليان<p-color-red> بالعجايب التاريخية والمناظر الطبيعية.
انا ريان التنير و اليوم <p-color-red>رح خبركن<p-color-red> عن اجمل المحلات يلي لازم تزوروها بلبنان و يلي بتشكل جزء أساسي من سياحة هالبلد.
محطتنا الأولى هي مدينة بعلبك.
<p-color-red>بنص سهل البقاع<p-color-red>، بتتربع مدينة الشمس يلي بتتميز ب الآثار الرومانية العظيمة،
ومن بينا معبد جوبيتر الضخم يلي تصنف من عجائب الدنيا السبعة بكذا استفتاء عالمي، وبيعتبر من أكبر المعابد الرومانية بالعالم.
<p-color-red>وفيها كمان<p-color-red> معبد باخوس، والهيكل الروماني وجسر قديم،
كل هالآثار <p-color-red>بتحكي قصة<p-color-red> حضارة قديمة بتعكس تاريخ المنطقة.
أفضل وقت لزيارة بعلبك هو خلال فصل الربيع والخريف بس يكون الطقس معتدل ويكون الموقع أقل عجقة.
اما رسوم الدخولية فحسب الموسم،وطبعا الاسعار ارخص للمواطنين اللبنانيين, بعني اللبناني بفوت عالقلعة بدولار بس الاجنبي قريب ٥ دولار.
محطتنا التانية هي مدينة جبيل، وهي وحدة من أقدم المدن يلي فيها سكان بالعالم.
هالمدينة المطلة ع البحر، تاريخها بيعود ل أكثر من 7000 سنة.
وفيها آثار وتاريخ قديم متل قلعة جبيل و المدينة القديمة يلي بتضم مسجد وكنيسة، وكتير من البنايات القديمة والزواريب الضيقة.
جبيل بتجمع بين التاريخ والحاضر، وفيها سوق قديم وحديث، وفيها كمان المرفأ القديم واللي بتشوفو فيه السفن والصيادين.
بزيارة جبيل بتحسو حالكن عم بتسافرو بالزمن، وعم بتعيشو تجربة ثقافية مميزة ومتنوعة.
. فينا نقول انو فصل الصيف مثالي لزيارة جبيل، لانو بكون دفي الطقس وصار مناسب للمشي بالاسواق
ببلاش. في رسوم دخولية رمزية ع بعض المواقع الأثرية بس اغلب المحلات فيكن تزوروها
مثلاً دخولية قلعة جبيل ٢$ للبناني و ١٠$ للاجنبي.
وهلئ صار دور يلي عم يفتشو ع الشمس والرمل، تعو نطلع صوب الجنوب ع مدينة صور.
هالمدينة العريقة فيها آثار و بحر حلو.
و قلعة صور، اللي هي من أهم القلعات الصليبية بالمنطقة. ومدينة الصيادين القديمة, وفيها كمان أسواق بتبيع أسماك طازة ومأكولات بحرية، وبتخلي تجربة الزيارة لصور تجربة ثقافية وتاريخية وغذائية بامتياز.
وبالنسبة للبحر، صور فيها شط نضيف، و ماي صافية وممشى بحري نابض بالحياة.
و اغلب اماكن السباحة هيي شواطئ مجانية للعموم.
وهلئ خلونا نطلع طلوع صوب محمية ارز الرب بجبال شمال لبنان.
هالمحمية هيي يلي بقيت من الغابات للي كانت تغطي جبل لبنان كلو.
بالمحمية <p-color-red>بتلاقو<p-color-red> مسارات للمشي ورحلات للاستكشاف، وفيها كمان مواقع للتخييم والترفيه.
و الشجر مغطى بالتلج. أفضل وقت للزيارة هو خلال الشتا بس يكون الطقس فوق برود
عادة بتكون الدخولية ببلاش، بس في صناديق تبرعات للحفاظ عالمحمية.
واكيد بدي انتهز الفرصة لخبركن عن التخييم بلبنان, هالنشاط منتشر كتير هون ،
<p-color-red>وأحسن<p-color-red> أماكن للتخييم ب لبنان بتكون بجبال الأرز، ب محمية كاديشا، وكمان بجبال الشوف.
<p-color-red>هونيك<p-color-red> بتلاقو مخيمات مجهزة بالخيم و الحمامات و مطارح للشوي بنص الطبيعة وقريب من الانهر والبحيرات كمان.
او فيكن تلاقو كمان أماكن للتخييم البري يلي ما عليها مسوؤولين <p-color-red>او مش مجهزة<p-color-red> من قبل اصحاب المشاريع واللي بتسمحلكن تكونو قريبين من الطبيعة بشكل أكبر.
هالاماكن مناسبة لمحبي الهايكنغ بين الاودية و المعابد التاريخية القديمة و لعشاق الطبيعة و الرواق.
ولبنان فيه كثيرمن الشواطئ الحلوة اللي بتسمحلكن تخيمو على البحر، مثل شواطئ صور وطرابلس وجونية
بس بدكن اذن من بلدية المنطقة قبل التخييم.
أفضل الأوقات للسفر بلبنان بشكل عام بتكون بالعطل الرسمية متل عيد الفطر، عيد الأضحى، وعيد الميلاد. عطلات نهاية الأسبوع كمان مناسبة لزيارات قصيرة للأماكن القريبة. أما إذا بدكن تتجنبوا العجقة والحرارة العالية، الربيع والخريف هني أفضل المواسم للسفر بلبنان.
اما بالنسبة للشركات والمنظمات المسؤولة عن المنتزهات الطبيعية بلبنان، في عنا وزارة السياحة اللبنانية يلي بتدير المواقع السياحية بشكل عام.
و في كمان جمعيات متل جمعية محمية كاديشا وبتقدم دخول مجاني للبنانيين.
أما جمعية حماية وتنمية الغابات بتدير محمية أرز تنورين وبتفرض رسوم دخول حوالي 5$ على الشخص
و كمان محمية أرز الشوف بتحميها جمعية أرز الشوف، والدخولية إليها بيكلف حوالي 3$ للبناني و ١٠$ للاجنبي.
<p-color-red>بغض النظر<p-color-red> إذا كنتو من عشاق التاريخ، ولا من عشاق الطبيعة، أو حتى لو بدكن بس تسترخو على شاطئ البحر، لبنان بيقدملكن كل شي.
خلص موضوعنا لليوم و منتلاقى بودكاست جديد وبنكمل فيه سوا رحلة الاسكتشاف بهالبلد.
لوقتا، بتمنالكن ايام ممتعة و عطلة صيفية مسلية.
يلا باي
