Monthly family expenses in Lebanon
مرحبا
كنا حكينا من قبل عن الاسعار والمعاشات بلبنان بعد انهيار الليرة.
بس اليوم و<p-color-red>بعد ما مرق<p-color-red> 5 سنين عالازمة، في كتير اشيا تغيرت!
انا ريان التنير و خلونا سوا <p-color-red>ندردش<p-color-red> عن هالموضوع اكتر..
بس انفجرت الأزمة المالية والمصرفية بلبنان، الأسعار <p-color-red>بلشت ترخص شوي<p-color-red> للناس اللي بيقبضوا بالدولار.
كتير ناس حسّوا بهالشي، اللي كان عنده معاش بالدولار أو بيجيه تحويلات من برا، صار يحس <p-color-red>إنه بيقدر<p-color-red> يعيش بترف لأنه دولاراته صارت قويّة مقابل الليرة المنهارة.
ووقت الدعم من الدولة، كان في 300 سلعة مدعومة، من البنزين و المازوت للمواد الغذائية والأدوية.
وهون استفاد يلي عندو مدخول بالدولار وكمان السياح الاجانب يلي كانو يجو <p-color-red>يقضو وقتهن<p-color-red> بهالبلد السياحي باسعار خيالية قد ما كانت رخيصة.
بس السنة الماضية، <p-color-red>انشال الدعم<p-color-red> وبلشت الاسعار <p-color-red>تطلع لترجع متل ما كانت<p-color-red> قبل الازمة و اغلى كمان!
تأثير هالارتفاع بالأسعار على السياحة كان كبير،
السياحة يلي كانت دايماً مصدر مهم للدخل القومي لهالبلد،
بس مع هالارتفاع الجنوني بالأسعار، صارت الأمور أصعب للسياح.
اللي بيجي على لبنان اليوم، بيلاقي الأسعار غالية كتير مقارنة بكتير من البلدان التانية بالمنطقة.
كلفة الإقامة بالأوتيلات، والأكل بالمطاعم، والتنقل بالسيارات، كلها ارتفعت بشكل ملحوظ.
هيدا الشي خلى كتير من السياح اللي كانوا بيجوا يتسوقوا بلبنان ويستمتعوا بالطبيعة والبحر، يفكروا بالبدائل الأرخص.
والقصة ما وقفت عالسياح! <p-color-red>البوكس الكبير اكلوه<p-color-red> اللبنانيين يلي معاشاتهن بعدا بالليرة اللبنانية وقدرتهم الشرائية تراجعت بشكل كبير، وصاروا يلاقو صعوبة بتلبية حاجاتهم الأساسية مثل الأكل والشرب والسكن..
المعاشات بقيت نفسا، <p-color-red>بس الأسعار طارت<p-color-red>!
وصار اللبناني عم <p-color-red>يركض شمال و يمين<p-color-red> ليلاقي مدخول تاني مع معاشو يلي ما <p-color-red>بيفتح بيت<p-color-red>, خاصةً موظفي الدولة يلي معاشاشتن ما بتتعدا ال $200
هيدا الشي مش بس أثر على اللي معاشاتهم بالليرة، حتى اللي بيقبضوا بالدولار حسّوا بالفرق.
والسبب كان الفوضى اللي صارت مع الأزمة ، والدولة اللي قررت تدعّم بشكل عشوائي، وبعدين اجا قرار الدولرة رسمياً ليخرب الوضع اكتر.
اذا بدنا نحكي شوي ارقام ,بل 2022 كانت كلفة المعيشة لعيلة لبنانية من 4 أشخاص حوالي 26 مليون ليرة (يعني تقريباً 238 دولار)، وهيدا من دون ما نحسب تكاليف الصحّة والاستشفاء.
بينما وصلت حسب آخر الإحصاءات ل 71 مليون ليرة (يعني 800 دولار تقريباً) سنة 2024.
يعني بين اجار بيت مش اقل من 200$ بالمناطق الفقيرة
ومتل ما منعرف بلبنان في كهربا دولة بتجي 3 او 6 ساعات باليوم و كهربا مولدات بتغطي باقي اليوم للساعة 1 بعد نص ليل باحسن الاحوال..
الحد الأدنى لفاتورة الاشتراك للموتيرات (2 أمبير) حوالي 80$ بالشهر.
وكهربا الدولة بعد دولرتا صارت بحدود ال60$.
و بيلحقن مي و تلفون و مواصلات..
او بنزين يلي تنكتين منو بتكلف حوالي 45$ الا اذا انقطع و واضطرينا نروح عالسوق السودا و بتوصل الاسعار فيها لارقام خيالية.
وهيدا بعد ما حكينا عن الاكل والشرب يلي تضاعفت اسعارن من سنة لهلئ. وهالأرقام متوقع إنها تزيد أكتر مع تطبيق الضرايب الجديدة اللي ذكرتها موازنة السنة.
واكيد ما مننسى المدارس, يلي نقلت معظم الناس للمدارس الحكومية مع انها بتضل مأضربة, بس ما في باليد حيلة ف قسوطات المدارس الخاصة بتوصل ل 6000$ بالسنة.
وكمان بعدنا ما حكينا بضهرات ولا اكل بمطاعم او سينما او مسبح عالاقل ولو شي مرة بالاسبوع.
يعني باختصار ليعيش اللبناني عالقد بدو 1500$ بالشهر <p-color-red>مينيموم<p-color-red> بينما معاشات كتير موظفين ما بتتعدا ال200$ بالقطاع العام و بعد في كتير بالقطاع الخاص عم يعطي 300$ و $400
لهيك صارت العيلة اللبنانية عارفة انو ايد وحدة ما بتزقف فصار البي والام وحتى الاولاد بعد مدارسن عم ينزلو ع سوق العمل يشتغلو شغل او شغلين ليقدرو يكملو ويعيشو <p-color-red>حياة ع قدن<p-color-red>.
الله يفرجها عالجميع ومنشوفكن انشاءالله قريباً بموضوع جديد.
بلا باي
