هاي انا ريان و رح <p-color-red>خبركن<p-color-red> اليوم عن المبلغ المطلوب لمصروف عيلة من ٤ أفراد بلبنان.
<p-color-red>متل ما بتعرفوا<p-color-red> عم بيواجه لبنان من سنة ٢٠١٩ أزمة اقتصادية بتعتبر من الاسوأ بالعالم، و من بعد هالازمة صار اكتر من نص سكان لبنان تحت خط الفقر، وبالوقت يلي فقدت فيه الليرة اللبنانية أكتر من ٩٠٪ من قيمتها مقابل الدولار.
و هلق حنحسب سوا لعيلة لبنانية مألفة من ٤ أشخاص أب و أم و ولدين <p-color-red>قديش هني بحاجة<p-color-red> لمتطلبات اساسية بالشهر كرمال يأمنوا حياة كريمة من دون ما نتطرأ للكماليات.
أوّلاً: الكلفة الشهرية بمعدل متوسط لتغطية <p-color-red>مصاريف الاكل<p-color-red> و الشرب و غراض تنضيف البيت الأساسيّة ومُستلزمات العناية الشخصيّة بتكلف minimum ٥٠٠$
ثانيًا: من ناحية التعليم، فالتكلفة بتتفاوت <p-color-red>بين اذا ما كانت<p-color-red> مدرسة رسمية او خاصة. بس بسبب الاهمال الموجود بالمدارس الرسمية فالخيار و التوجه الاكبر عم بكون للمدارس الخاصة يلي الكلفة فيها لتلميذ تقريباً ١٥٠$ بالشهر. و هالمبلغ بيتضمن القسط المدرسي ومُستلزمات الدراسة من كتب و قلام و uniform، وبالتالي 300$ شهريًا لتلميذين.
ثالثًا: الكلفة الشهريّة لفواتير الكهرباء والماي والغاز والتلفون وإشتراك الإنترنت، بتختلف من عيلة لتانية، بس ما بتقلّ عن $150 بالشهر.
و هيدا بحال الإكتفاء بالأساسيّات من دون أي شكل <p-color-red>من أشكال البذخ<p-color-red> متل اختيار سرعة عالية للانترنت او تشريج باقة كبيرة لل ٣ج.
علمًا أنّو حتى هيدا الرقم ما عاد كافي بظل أزمة الكهربا بلبنان و لجوء معظم- اذا ما بدنا نقول كل البيوت <p-color-red>للمولدات<p-color-red> يلي بياخدو ٢٥٠$ ل١٠ امبير مع <p-color-red>ساعات تغذية<p-color-red> بتعادل ١٢ ساعة تقريباً مش لنهار كلو.
و طبعاً بعدنا ما حكينا عن مصروف المازوت للتدفئة بالشتا باعتبار انو هلق نحنا بفصل الصيف و <p-color-red>مرتاحين<p-color-red> من هالتكلفة مؤقتاً.
رابعًا: الكلفة الشهريّة لمصروف النقل من إستهلاك بنزين للسيارة بحال افترضنا انو هالعيلة عندها سيارة وحدة بس و منها من النوع يلي بيصرف كتير بنزين <p-color-red>فهي بتتفول<p-color-red> صارت ب ١٠٠$ و ممكن يوصل المصروف الشهري ل٣٠٠$ برياحة
وهيدا الرقم يرتفع بحال إمتلاك سيارتين، أو بحال كانت سيارة العيلة قديمة وبدها صيانة دايمة، أو بحال كانت مسافة الشغل اليومي طويلة.
خامسًا: بهالازمة طبعاً <p-color-red>فكرة انك<p-color-red> تملك بيت صارت بمثابة حلم. و بالتالي رح يلجأ اكترية الشعب اللبناني انو يستأجر. والكلفة الشهريّة لاجار بيت من غرفتين نوم و مطبخ و صالون هي ٤٠٠$
سادسًا: الكلفة الشهريّة لمصاريف غير متوقعة متل اعطال منزلية مفاجأة أو شراء آلات جديدة ما بتقلّ عن 100$ و طبعاً هيدا اذا ما ذكرنا <p-color-red>الاعطال يلي ممكن تصيب الانسان<p-color-red> كمان فيضطر ساعتها لدفع تكاليف المستشفى او كشفية الحكيم.
وهيك وباختصار، و كحساب أوّلي سريع منلاقي أنّو الرقم المطلوب كحد ادنى لعيلة من أربعة أشخاص مش اقل من ٢٠٠٠$ بالشهر.
و هيدا طبعاً إذا ما تناولنا موضوع المناسبات الإجتماعية متل حفلات الاعراس و اعياد الميلاد و المعايدات الدينية.
فعبارة "العيش الكريم" ما بتعني الإكتفاء بالأساسيّات بس، كمان بتشمل الضهرة مرة بالاسبوع على الاقل او حتى السفر مرة بالسنة.
و <p-color-red>المضحك المبكي<p-color-red> انو هيدي الارقام حكينا عنها بعيدة كل البعد عن الحد الادنى الرسمي للاجور اليوم بلبنان يلي ما بيتعدّى ٢٠$
و بالتالي منلاحظ الفقر المُستشري بالمجتمع اللبناني و اتساع الهوة بين طبقة الاغنيا و الفقرا و شبه اختفاء للطبقة الوسطى.
و هيك <p-color-red>بكون نقلتلكن صورة<p-color-red> عن الوضع المعيشي بلبنان و انشاء الله كون نقلتها بشكل واضح. يلا باي!
